Chwilio am eich cwrs

Amser Llawn

Rydym yn cynnig bron 40 o bynciau Safon Uwch (na chynigir llawer ohonynt ar lefel TGAU) a 40 o ddewisiadau cyrsiau galwedigaethol, felly beth bynnag yw’ch diddordeb, bydd gennym gwrs sy’n addas i chi.

Yn 2021, y gyfradd basio gyffredinol ar gyfer Safon Uwch oedd 99%. O’r graddau pasio hyn, roedd 43% yn raddau A*-A, 70% yn raddau A*-B ac 88% yn raddau A*-C. Y gyfradd basio gyffredinol ar gyfer Safon UG oedd 95%.

Roedd canlyniadau galwedigaethol y Coleg hefyd yn gryf eleni gyda chyfradd pasio 96% ar draws cyrsiau Diploma Estynedig Lefel 3.

Darllen rhagor am ein cyrsiau amser llawn...

Prentisiaethau

Mae prentisiaethau yn ffordd wych i bobl ennill cyflog a dysgu yr un pryd mewn swydd go iawn, gan ennill profiad a chymwysterau a sicrhau rhagolygon gyrfa mwy disglair yn y dyfodol.

Cynigiwn dair lefel o brentisiaeth ar hyn o bryd - Prentisiaeth Sylfaen Lefel 2, Prentisiaeth Lefel 3 a Phrentisiaeth Uwch Lefel 4/5.

Darllen rhagor am ein prentisiaethau...

Rhan-amser

P’un ai ydych yn ystyried rhoi hwb i’ch cyflogadwyedd, newid cyfeiriad eich gyrfa, diweddaru’ch sgiliau neu ddysgu rhywbeth newydd, yng Ngholeg Gŵyr Abertawe bydd gennym gwrs rhan-amser i chi.

Rydym yn sylweddoli bod gan oedolion sy’n ddysgwyr lawer o alwadau ar eu hamser ac, am y rheswm hwn, rydym yn cynnig amrywiaeth o gyrsiau hyblyg a byr.

Darllen rhagor am ein cyrsiau rhan-amser...

Addysg Uwch

Gallwch astudio cymhwyster lefel uwch gyda ni i’ch helpu i symud ymlaen yn eich gyrfa ddewisol. Rydym yn cynnig dosbarthiadau llai, ffioedd cyrsiau is, digonedd o gymorth a darpariaeth hyblyg. Mae gennym hefyd Ganolfan Prifysgol bwrpasol, ystafell gyffredin i fyfyrwyr a llyfrgell.

Rydym yn ddarparwr cyrsiau addysg uwch â Sicrwydd Ansawdd QAA, y mae llawer ohonynt yn cael eu dilysu gan sefydliadau blaenllaw fel Prifysgol De Cymru, Prifysgol Cymru Y Drindod Dewi Sant, Prifysgol Swydd Gaerloyw a Phrifysgol Glyndŵr Wrecsam.

Darllenwch ragor am ein cyrsiau lefel uwch...

Rhyngwladol

Mae Coleg Gŵyr Abertawe yn un o’r colegau sy’n perfformio orau yn y wlad. Fe’i lleolir yn yr ardal gyntaf yn y DU i gael ei phenodi’n ardal o harddwch naturiol eithriadol.

Rydym yn adnabyddus am ein rhaglen Safon Uwch, gyda chanlyniadau a chyfraddau dilyniant rhagorol i’r prifysgolion gorau yn y DU.

Darllen rhagor am ein cyrsiau Rhyngwladol...

Cyflogwyr

Hyfforddiant GCS yw braich hyfforddiant busnes y coleg ac mae’n cynnig atebion hyfforddiant i gyflogwyr sydd am gael y gorau o’u staff.

Fel rhan o un o’r colegau AB blaenllaw yng Nghymru, mae Hyfforddiant GCS yn cynnig hyfforddiant parod ond mae hefyd yn gallu teilwra cyrsiau i ateb eich gofynion penodol chi. Gydag ystod eang o opsiynau dysgu seiliedig ar waith, ar lawr y dosbarth a dysgu o bell, mae cymysgedd perffaith i’ch busnes chi.

Darllen rhagor am Hyfforddiant GCS…