Anrhydeddau CGA

Mae Anrhydedd CGA wedi’i chynnwys ar yr amserlen fel rhan o’ch cynnig Safon Uwch a bydd yn eistedd ochr yn ochr â’ch pynciau academaidd. Wrth wraidd ein rhaglen mae ein tiwtorialau her academaidd: sesiynau bob wythnos i ddatblygu eich sgiliau meddwl a darllen beirniadol, a sgiliau ymchwil. 

Byddwch chi hefyd yn cadw dyddiadaur academaidd myfyriol a fydd yn eich cynorthwyo i dreiddio’n ddyfnach i’ch pwnc a thrafod syniadau heriol ac ymchwil gyda chyfoedion o gyffelyb fryd. 

Byddwch hefyd yn cymryd rhan mewn cynhadledd academaidd gan gynhyrchu a thrafod poster uwch-gwricwlaidd ar bwnc ymchwil annibynnol o'ch dewis gyda'ch cydfyfyrwyr a’r staff darlithio. 

Coleg Gŵyr Abertawe yw hyb Academi Seren Abertawe. Mae Academi Seren, a ariennir gan Lywodraeth Cymru, yn helpu’r myfyrwyr mwyaf galluog yn academaidd o bob ysgol wladol i gael mynediad at brifysgolion sy’n arwain y byd. Byddwch yn cymryd than mewn dosbarthiadau meistr academaidd a gynhelir ym Mhrifysgol Abertawe.

Mae Academi Seren ar gael i’r holl ddysgwyr sy’n alluog yn academaidd ym Mlwyddyn 12 a Blwyddyn 13. Mae’n cynnig sesiynau rhyngweithiol a phrofiadau astudio unigryw i gynorthwyo’ch dysgu parhaus, a chyfarwyddyd arbenigol i’ch helpu i wneud penderfyniadau gwybodus wrth i chi baratoi i wneud cais i brifysgolion blaenllaw. Mae hyn yn cynnwys gweithdai cyngor a chyfarwyddyd gan diwtoriaid derbyn Rhydychen a Chaergrawnt, sesiynau paratoi ar gyfer derbyn i’r brifysgol, dosbarthiadau meistr mynediad i bwnc a chyfleoedd ysgol haf yn Rhydychen ac Iâl.

Mae Academi Seren yn rhan o raglen Anrhydeddau CGA ac rydym yn cynorthwyo myfyrwyr yn unigol i wneud y gorau o’r cyfleoedd a gynigir.

Mae Coleg Gŵyr Abertawe yn falch o fod yn rhan o’r fenter Step Up, a gydlynir gan Goleg Newydd, Rhydychen. Mae’r tîm Step Up yn ymweld â Champws Gorseinon i drafod y broses ymgeisio a datganiadau personol, ac mae’n cynnig ymweliadau â Rhydychen, gan roi gwybodaeth amhrisiadwy i’n myfyrwyr.

Mae’r rhaglen hon yn para blwyddyn ac mae’n rhoi gwybodaeth, sgiliau a dealltwriaeth i fyfyrwyr fel y gallant wneud ceisiadau cystadleuol i Rydychen neu Gaergrawnt.

Wedi’i gyflwyno gan ein tiwtoriaid academaidd arbenigol sy’n gyn-fyfyrwyr Rhydgrawnt, mae’n cynnwys sesiynau wythnosol sy’n rhoi dealltwriaeth i chi o fanylion cais Rhydgrawnt, a chymorth un-i-un i gwblhau’ch cais. Trwy ymweliadau ac arosiadau dros nos yng ngholegau Rhydychen a Chaergrawnt, byddwch chi hefyd yn cael cyfle i brofi’r prifysgolion mawreddog hyn yn uniongyrchol.

Fel un o dri sefydliad addysgol yng Nghymru sydd ar Raglen ‘Step Up’ Coleg Newydd, Rhydychen, ac fel hyb partner HE+ gyda Choleg Churchill, Caergrawnt, mae ein Rhaglen Paratoi ar gyfer Rhydgrawnt hefyd yn elwa oherwydd y cysylltiadau agos sydd gennym â’r ddwy brifysgol.

Mae ein Rhaglen Caergrawnt yn cynnwys:

• Sesiynau tiwtorial Rhydgrawnt pwrpasol
• Sesiynau cyfoethogi (rhan o’r Rhaglen ‘Step Up’)
• Sesiynau tiwtorial mewn grwpiau bach, penodol i’r pwnc
• Cyngor a chyfarwyddyd un-i-un ar ddewisiadau prifysgol, coleg a gradd unigol
• Cymorth datganiad personol wedi’i deilwra
• Cyfleoedd ymgysylltu uwch-gwricwlaidd
• Paratoi ar gyfer prawf gallu a derbyn
• Cymorth cyfweliad, gan gynnwys ffug gyfweliadau Rhydgrawnt gyda chyn-fyfyrwyr
• Mentora gan gyn-fyfyrwyr Rhydgrawnt CGA
• Arosiadau dros nos yn Rhydychen a Chaergrawnt.

Os ydych wedi mynegi diddordeb yn y gwyddorau meddygol, milfeddygaeth a fferylliaeth cewch sesiynau tiwtorial wythnosol sy’n canolbwyntio ar yrfaoedd, cysgodi gwaith, siaradwyr gwadd a cheisiadau i brifysgolion. 

Mae gan y Coleg gysylltiadau cryf ag ysbytai lleol a darparwyr gofal eraill ac mae’n trefnu anerchiadau rheolaidd gan ymgynghorwyr, meddygon teulu a milfeddygon. Gwahoddir siaradwyr gwadd i’r sesiynau tiwtorial hyn i drafod eu rôl fel meddygon sy’n ymarfer, gan roi cipolwg i fyfyrwyr ar yr yrfa y maen nhw am ei dilyn.

Mae rhai o uchafbwyntiau ein cyfres o ddarlithoedd gwadd yn cynnwys anerchiadau ar y canlynol:

• Gwneud cais i astudio meddygaeth a dod yn feddyg teulu gan yr Athro Stokes-Lampard (Cadeirydd Coleg Brenhinol yr Ymarferwyr Cyffredinol)
• Seiciatreg a meddygaeth gan Dr. Niall Boyce (Golygydd ‘Lancet Psychiatry’)
• Gyrfaoedd mewn ffisioleg gardiaidd gan Ailsa Wallis (Uwch Ffisiolegydd Cardiaidd – PABM)
• Milfeddygaeth gan gynrychiolydd PDSA
• A gwibdaith flynyddol i ddigwyddiad byw Gwyddoniaeth Mewn Iechyd ym Mhrifysgol Caerdydd.

Mae sesiynau tiwtorial hefyd yn cynnig cyfle i fyfyrwyr drafod materion moesegol cyfoes a datblygiadau meddygol, a chael cyngor ar dechnegau cyfweliad.