Cynhyrchu Theatr a Digwyddiadau Byw Lefel 3 - Diploma Estynedig
Trosolwg
Mae UAL Diploma Estynedig Lefel 3 mewn Cynhyrchu Theatr a Digwyddiadau Byw yn gyfwerth â thri chymhwyster Safon Uwch yn system pwyntiau UCAS.
Yma yng Ngholeg Gŵyr Abertawe byddwch yn astudio nifer o ddisgyblaethau gan gynnwys:
- Rheoli llwyfan
- Goleuadau
- Sain
- Gwneud propiau
- Dylunio
- Gwisgoedd
- Adeiladu golygfeydd.
Er bod yna bwyslais ar waith ymarferol a chynhyrchu, bydd angen i chi gwblhau aseiniadau ysgrifenedig a datblygu eich sgiliau trwy lyfrau log gwerthusol a myfyrdodau ymarfer. Byddwch yn dysgu i werthuso a gwneud sylwadau beirniadol ar ymarfer proffesiynol ac ymchwil yn ogystal â’ch taith greadigol eich hun.
Asesir eich dysgu trwy brosiectau. Byddwch yn cwblhau’r rhain bob tymor – bydd y prosiectau yn amrywio a gallech gael eich asesu trwy senario cynhyrchu bywyd go iawn, dyddiaduron, cyflwyniadau, traethodau a pherfformiadau.
Gwybodaeth allweddol
- Pum gradd C neu uwch ar lefel TGAU, gan gynnwys Saesneg Iaith
- neu gymhwyster cyfwerth
- Rhaid bod gan ddysgwyr ddiddordeb brwd mewn celf cynhyrchu
- Profiad o berfformio yn ddelfrydol.
Addysgir y cwrs yn y Bloc Celfyddydau ar Gampws Gorseinon ac mae’n canolbwyntio’n bennaf ar asesiadau ymarferol gyda thystiolaeth yn cael ei chynhyrchu trwy ymchwil a llyfrau log datblygu.
Lle bo’n bosibl, bydd asesiadau ystafell ddosbarth yn cael eu cysylltu â gwaith cynhyrchu a wnaed yn ystod eich cwrs.
Fel rhan o’r amserlen Lefel 3 byddwch hefyd yn astudio Bagloriaeth Cymru Lefel 3.
Mae myfyrwyr wedi symud ymlaen i amrywiaeth o golegau drama arbenigol gan gynnwys Ysgol Actio Guildford, RADA, Bristol Old Vic, Mountview ac Arts Ed.
Mae gyrfaoedd yn cynnwys rheoli llwyfan, dylunio gwisgoedd, dylunio goleuadau/sain neu waith technegol.
Ffioedd cwrs:
Ffioedd y cwrs yw £150 y flwyddyn. Mae hyn yn rhoi modd i ni drefnu gwibdeithiau theatr, darparu cyfleoedd gweithdai a gwahodd gweithwyr proffesiynol byd diwydiant fel siaradwyr gwadd.
Ymweliadau theatr:
Drwy gydol y flwyddyn, cewch gyfleoedd i weld cynhyrchiadau lleol a pherfformiadau nodedig yn Llundain a Stratford-Upon-Avon. Mae’r gwibdeithiau a drefnir yn ddibynnol ar y perfformiadau sydd ar gael yn ystod y flwyddyn.
Gweithdai:
Bydd gweithdai yn cael eu teilwra i’r cwrs Lefel 3 a byddant yn amrywio yn dibynnu ar ffocws pob tymor.