Dechrau Arni yn y Popty - Teisennau a Sgons (Tymor 2)

Trosolwg o’r Cwrs

Bydd y cwrs hwn yn rhoi cyflwyniad i chi weithio yn y diwydiant arlwyo/pobi. Byddwch yn cwblhau un uned fel rhan o’r cwrs hwn:

  • Cynhyrchu Teisennau, Sbyngau a Sgons Sylfaenol (gallu cynhyrchu teisennau, sbyngau a sgons sylfaenol / deall sut i gynhyrchu teisennau, sbyngau a sgons sylfaenol).

Ychwanegwyd Awst 2018

Gofynion Mynediad

Rhaid bod gennych ddiddordeb brwd i weithio yn y diwydiant arlwyo/pobi. Efallai eich bod yn gweithio yn y diwydiant ac yn teimlo bod angen i chi wella’ch sgiliau. 

Bydd rhaid dod am gyfweliad anffurfiol/sesiwn arweiniad cyn cofrestru.

Dull Addysgu’r Cwrs

Addysgir ac asesir y cwrs ar Gampws Tycoch, yn ein ceginau hyfforddi arbenigol. Bydd dulliau asesu’n cynnwys arsylwadau ac asesiadau ymarferol, chwarae rôl, trafodaethau, profion byr a gwersi theori.

Drwy gydol y cwrs, byddwch yn cwblhau portffolio o dystiolaeth, a gaiff ei gyflwyno i’r gwirwyr allanol i’w gymedroli.

Cyfleoedd Dilyniant

Gallech symud ymlaen i gwrs amser llawn neu ddewis cwblhau cwrs byr arall, fel dilyniant naturiol.

Gwybodaeth Ychwanegol

Bydd gofyn i chi wisgo siaced pen-cogydd, trwser, tei, het, ffedog ac esgidiau blaen dur (cyfanswm o £70). Mae’n bosibl y bydd cyllid ar gael i helpu gyda chostau gwisg.

Rhaid rhoi gwallt mewn rhwyd wallt. Ni chaniateir gemwaith na thyllau gweladwy. Dim farnais ewinedd/ewinedd gel. Caniateir ychydig iawn o golur. Bydd gofyn i chi olchi’r llestri, fel rhan o’r cwrs hwn.

Efallai y byddwch am brynu set o gyllyll pen-cogydd. Gallwn ni awgrymu cyflenwad.

Bob wythnos, byddwch yn dysgu sut i baratoi a choginio rysáit glasurol. Byddwn ni’n darparu’r cynhwysion. Byddwch yn gallu prynu’r eitemau a wnewch, am ffi fach, i dalu costau cynhwysion.

Lleoliad(au):
Tycoch
Cwrs ar gael yn Gymraeg:
No
Diolch am eich diddordeb yn y cwrs hwn. Ar hyn o bryd nid oes unrhyw ddosbarthiadau ar gael felly dewch yn ôl yn fuan i gael dyddiadau ac amserau eraill.