Mae wedi bod yn brofiad bendigedig. Dwi wedi cael llawer o gymorth gyda fy nghais i’r brifysgol, gan gynnwys paratoi ar gyfer profion gallu a chyfweliadau. A bod yn onest, dwi ddim yn credu y byddwn i wedi cael fy nerbyn gan Brifysgol Caergrawnt heb y gefnogaeth a’r arweiniad gwych ces i gan staff Coleg Gŵyr Abertawe."

Haolin Wu, China
Enillodd 4 gradd A* mewn Economeg, Ffiseg, Cemeg a Mathemateg
Symudodd ymlaen i Goleg yr Iesu, Prifysgol Caergrawnt i astudio Economi Tir.

Mae Coleg Gŵyr Abertawe wedi bod yn brofiad gwych. Dwi wedi cwrdd â phobl fydd yn ffrindiau am weddill fy oes ac mae’r athrawon yn hynod wybodus. Maen nhw bob amser yn ceisio datblygu ein diddordeb yn ein pynciau sy’n mynd y tu hwnt i gyfyngiadau’r gwerslyfr."

Yuzhe Zhang, China
Enillodd 4 gradd A* mewn Economeg, Ffiseg, Cemeg a Mathemateg
Symudodd ymlaen i’r Coleg Imperialaidd yn Llundain i astudio Daeareg a rhoddwyd ysgoloriaeth o £180,000 iddo gan y cwmni Rio Tinto Mining..

Dwi wedi bod yng Ngholeg Gŵyr Abertawe ers bron dwy flynedd bellach ac wedi mwynhau fy amser yma yn fawr. Mae’r Coleg yn llawn hwyl a chyffro! Roeddwn i’n gallu cwrdd â llawer o ffrindiau newydd ac mae pob darlithydd yn garedig iawn a bob amser yn hapus i helpu. Dwi bob amser yn mwynhau mynd i’m darlithoedd gan fy mod yn hoffi dysgu rhagor am fy hoff bynciau."

Ryan Yung, Hong Kong
A* A B mewn Mathemateg Ddwbl a Chyfrifeg.
Aeth ymlaen i astudio Cyfrifeg a Chyllid ym Mhrifysgol Durham.

Mae Coleg Gŵyr Abertawe yn Goleg rhagorol gyda chymorth gwych i fyfyrwyr. Darganfyddais i fy niddordeb mewn ieithyddiaeth trwy raglen Rhydgrawnt ac ers hynny dwi wedi cael cynnig lle i astudio’r pwnc ym Mhrifysgol Caergrawnt."

Shannon, USA
A* A A mewn Mathemateg, Seicoleg a Saesneg.
Aeth ymlaen i astudio Ieithyddiaeth ym Mhrifysgol Caergrawnt.

Mae’r ddwy flynedd yn astudio yng Ngholeg Gŵyr Abertawe wedi bod yn anhygoel. Gall myfyrwyr ddewis o blith amrywiaeth eang o bynciau. O ran myfyrwyr rhyngwladol, mae’r swyddfa ryngwladol bob amser yn garedig ac yn barod i helpu ac roedd hyn yn ei gwneud hi’n hawdd i mi addasu i fywyd yn Abertawe. Mae Abertawe yn ddinas heddychlon wedi’i lleoli ger y traeth, ac yn fy marn i mae’n un o’r lleoedd mwyaf addas i gael profiad astudio."

Shaoxuan ‘Michael’ Cheng, China
Cafodd A A C C mewn Mathemateg, Tsieinëeg, Mathemateg Bellach a Ffiseg.
Aeth ymlaen i Brifysgol Warwig i astudio Peirianneg.

Mae’r tîm Rhyngwladol yn hyfryd ac roedden nhw wedi trefnu teithiau i ddinasoedd hardd yn y DU fel Caergrawnt a Rhydychen. Roedd fy nghartref Homestay i yn berffaith ac roedd fy ngwesteiwr gofalgar wedi gwneud fy amser i yn y DU yn hapus. Mae Abertawe yn ddinas wych gyda llawer o fwytai gwych ac roedd yn bleser cwrdd â phobl o bob cwr o’r byd."

Gieun Cho, South Korea
A* A* A* A* mewn Mathemateg Ddwbl, Economeg a Daearyddiaeth
Aeth ymlaen i astudio Daearyddiaeth yng Ngholeg Prifysgol Llundain.

Roedd fy nghyfnod i yng Ngholeg Gŵyr Abertawe yn wych. Roedd yr athrawon mor gymwynasgar ac roedden nhw wedi fy helpu i ennill y graddau oedd eu hangen arna i i fynd i’m prifysgol dewis cyntaf. Hefyd roedd y swyddfa Ryngwladol wedi rhoi llawer o gefnogaeth i mi ac roedd hyn wedi fy helpu i ymgartrefu yn Abertawe yn gyflym iawn. Roedd wedi rhoi hyder i mi ganolbwyntio ar fy astudiaethau hefyd. Byddwn i’n argymell y Coleg hwn yn fawr!"

Chan Kim, South Korea
A B B mewn Electroneg, Daearyddiaeth a Datblygiad y Byd.
Aeth ymlaen i astudio Daearyddiaeth ym Mhrifysgol Southampton

Mae fy mhrofiad wedi bod yn bleserus iawn. Mae’r addysgu wedi bod yn effeithiol iawn ac wedi fy helpu i a fy nghyfoedion i sicrhau canlyniadau academaidd anhygoel. Mae cyfleusterau’r Coleg hefyd yn wych ac wedi caniatáu i mi gyrraedd fy mhotensial academaidd llawnaf. Yn ogystal, fyddwn i ddim wedi gallu cael cynigion gan brifysgolion gorau’r byd heb y cymorth rhagorol a ddarperir gan y rhaglen HE+ a’i threfnwyr Felicity Padley a Neris Morris."

Xuanyuan Han, China
A* A* A* A* mewn Mathemateg Ddwbl, Ffiseg a Chyfrifiadureg
Aeth ymlaen i astudio Cyfrifiadureg yng Ngholeg Churchill, Prifysgol Caergrawnt

Mae’n hawdd siarad â’m darlithwyr ac maen nhw i gyd yn barod i helpu, hebddyn nhw fyddwn i ddim wedi symud ymlaen mor dda yn academaidd. Mae aelodau staff y swyddfa Ryngwladol hefyd yn gyfeillgar ac wedi rhoi llawer o gymorth i mi. Yn wir, mae byw yn Abertawe ac astudio mewn Coleg mor anhygoel yn brofiad bythgofiadwy."

Jiacheng ‘Charles’ Gong, China
Cafodd A* A* A yn y Gyfraith, Mathemateg a Hanes.
Aeth ymlaen i astudio’r Gyfraith ym Mhrifysgol Manceinion