Cafodd myfyrwyr Cerddoriaeth Safon Uwch yng Ngholeg Gŵyr Abertawe gyfle gwych yn ddiweddar i fwynhau dosbarth meistr gyda'r soprano fyd-enwog Eiddwen Harrhy.

“Mae Eiddwen yn dalent arbennig ac roedd yn fraint ei chroesawu hi i'r coleg lle y treuliodd amser gyda'r myfyrwyr a fydd yn cael clyweliadau cyn bo hir i geisio cael lle mewn Conservatoire ar hyd a lled y DU, sy'n broses hynod gystadleuol," dywedodd y Rheolwr Maes Dysgu, David Lloyd Jones.