Busnes Lefel 3 gyda’r Sefydliad Marchnata Siartredig – Diploma

Mae’r cwrs hwn yn ddelfrydol i’r rhai sydd am astudio Gwasanaethau Ariannol, Marchnata a Rheolaeth Busnes.

BTEC Diploma (Cenedlaethol) Lefel 3 mewn Busnes

Bydd yn cynnig cyfle i’r myfyrwyr astudio nifer o swyddogaethau busnes gan gynnwys Marchnata, Adnoddau Dynol, Rheolaeth, a TG gyda phwyslais ar Gyllid (mae rhai unedau’n cynnwys arholiadau).

Mae unedau astudio’n cynnwys:

• Archwilio Busnes
• Datblygu Ymgyrch Marchnata (Allanol)
• Cyllid Personol a Busnes (Allanol)
• Rheoli Digwyddiad
• Busnes Rhyngwladol  
• Egwyddorion Rheolaeth (Allanol)
• Hyrwyddo Busnes Newydd / Marchnata Digidol
• Proses Recriwtio a Dethol.

Sefydliad Marchnata Siartredig (CIM) Lefel 3 – Tystysgrif Sylfaen

Mae’r cwrs Tystysgrif Sylfaen CIM Lefel 3 yn cyflwyno cysyniadau a therminoleg hanfodol marchnata, gan ddarparu man cychwyn cryf i unrhyw un sy’n cychwyn ar eu taith marchnata.

Mae’r cymhwyster hwn yn cynnwys dwy uned a asesir ac mae’n rhoi dealltwriaeth glir i chi o:

• Rôl a swyddogaeth marchnata o fewn sefydliadau
• Y ffactorau sy’n dylanwadu ar ymddygiad defnyddwyr
• Elfennau allweddol yr amgylchedd marchnata
• Strategaethau craidd o fewn marchnata digidol.

Perffaith i farchnatwyr newydd neu ddarpar farchnatwyr, mae’r cymhwyster hwn yn cynyddu’r wybodaeth a’r hyder sydd eu hangen er mwyn symud ymlaen mewn marchnata ac mae’n gosod y sylfeini ar gyfer gyrfa lwyddiannus.

Unedau astudio’n cynnwys:

• Hanfodion marchnata
• Cynnwys a sianeli.

Asesiad: Arholiad dewis lluosog.