Mynediad i Wyddor Iechyd
Trosolwg
Bydd myfyrwyr yn astudio microbioleg, cemeg, gofal iechyd, seicoleg, prosiect ymchwil, anatomeg a ffisioleg yn ogystal ag uned radiograffeg ar gyfer y rhai sydd am symud ymlaen i faes radiograffeg.
Gwybodaeth allweddol
Bydd angen i ymgeiswyr gwblhau cwrs cyn-fynediad neu gwblhau aseiniad mynediad yn llwyddiannus.
Cewch eich asesu drwy gydol y cwrs drwy amrywiaeth o ddulliau asesu a chewch gredydau ar gyfer pob uned a gwblheir yn llwyddiannus. Er bod cyrsiau Mynediad yn cynnwys gwaith caled, mae myfyrwyr yn llwyr fwynhau datblygu eu diddordebau a’u syniadau eu hunain.
Mae’r cwrs yn cefnogi myfyrwyr trwy broses geisiadau UCAS ar gyfer mynediad i sefydliadau Addysg Uwch ledled y DU a Gogledd Iwerddon. Dilyniant i addysg uwch i astudio awdioleg, radiograffeg, gwaith parafeddygol, therapi lleferydd, podiatreg, cardioleg neu wyddorau meddygol. Mae llawer o fyfyrwyr yn cael cyflogaeth yn uniongyrchol o’r rhaglen hon, er enghraifft, gwaith labordy neu rôl cynorthwyydd gofal iechyd mewn ysbytai lleol.
Gallai myfyrwyr fod yn gymwys i gael Grant Dysgu’r Cynulliad (GDC) a chymorth ariannol coleg ar gyfer costau gofal plant a theithio.
Grant Dysgu Llywodraeth Cymru i Gefnogi Dysgu
Os ydych chi’n 19 oed neu hŷn ac yn astudio cwrs Mynediad yng Ngholeg Gŵyr Abertawe, gallech dderbyn cymorth ariannol trwy Grant Dysgu Llywodraeth Cymru (AB) ar gyfradd cyrsiau ‘rhan-amser’ (Mae cyrsiau Mynediad yn dod o dan gategori cyllid 275-499 awr).
Canllawiau cymhwystra
Oedran: Rhaid bod yn 19 oed neu hŷn.
Incwm: Prawf modd – seiliedig ar incwm y cartref. Gallai dysgwyr sydd ag incwm o £18,370 neu lai dderbyn hyd at £959 y flwyddyn.
Cyfnod preswyl: Ar gael i ddysgwyr cymwys yng Nghymru neu unrhyw le arall yn y DU.
Defnydd o gyllid: Mae’n helpu gyda chostau fel llyfrau, offer a theithio.
Sut i wneud cais: Ewch i wefan Cyllid Myfyrwyr Cymru neu siaradwch ag un o Ymgynghorwyr Cyllid Myfyrwyr y Coleg.