Microgymhwyster mewn Trin Dŵr
Trosolwg
Mae’r Microgymhwyster mewn Trin Dŵr yn fodiwl Lefel 4, 20 credyd, sydd yn gymhwyster annibynnol. Mae’n addas i’r rhai sydd am gael trosolwg cyffredinol o dechnolegau trin dŵr o safbwynt peirianneg.
Bydd y cymhwyster yn rhoi trosolwg o ansawdd dŵr a halogyddion mewn dŵr, gan ddarparu cyflwyniad i brosesau puro a thrin gwastraff dŵr. Bydd y cwrs yn cynnwys, os yw’n bosibl, ymweliad â gwaith trin dŵr/trin gwastraff dŵr.
Nod y cymhwyster yw edrych ar y mathau o brosesau sy’n cael eu defnyddio i drin dŵr i safon sy’n dderbyniol ar gyfer dosbarthu neu waredu’n ddiogel. Addysgir deunydd y pwnc i roi dealltwriaeth sylfaenol i chi o’r dulliau ffisegol, cemegol a biolegol a ddefnyddir yn y gweithrediadau hyn, gan gynnwys:
- Clystyru a dyddodiad
- Gwaddodi
- Prosesau hidlo trwy bilen.
Themâu craidd y cymhwyster yw:
- Hafaliadau dylunio syml ar gyfer gwaith trin dŵr a dŵr gwastraff
- Sut mae gweithfeydd trin dŵr yn gweithredu
- Y prosesau gwyddonol sylfaenol sydd wrth wraidd y gwaith o ddylunio a gweithredu gwaith trin dŵr a dŵr gwastraff
- Llifddalen proses
- Safonau sy’n berthnasol i ddŵr yfed
- Y dulliau trin priodol ar gyfer gwahanol fathau o ddŵr
- Yr egwyddorion ffisiogemegol y tu hwnt i brosesau uned a ddefnyddir mewn prosesau trin dŵr.
Gwybodaeth allweddol
Mae cyfuniadau o’r cymwysterau isod yn dderbyniol, a gallem dderbyn cymwysterau eraill heb eu rhestru hefyd ar sail unigol:
- Cynnig Safon Uwch arferol: DD
- Cynnig BTEC arferol: proffil BTEC Lefel 3 perthnasol Teilyngdod/Pasio neu Basio/Pasio/Pasio
- Cynnig Bagloriaeth Cymru arferol: Gradd C a DE ar lefel Safon Uwch
- Cynnig Mynediad i AU arferol: Diploma Pasio gyda chyfanswm o 60 credyd gan gynnwys 45 credyd Lefel 3, graddau pasio i gyd.
Bydd ymgeiswyr nad ydynt yn meddu ar gymwysterau mynediad sylfaenol arferol, e.e. myfyrwyr hŷn â phrofiad o gyflogaeth berthnasol, yn cael eu hystyried ar sail unigol gan arweinydd y rhaglen ac aelodau eraill o dîm y rhaglen.
Addysgir y cymhwyster dros 25 awr gyswllt a 15 awr ar-lein.
Bydd y sesiwn yn cael ei thorri i lawr fel a ganlyn:
- Un diwrnod (saith awr) fel cyflwyniad ar ddechrau’r microgymhwyster
- Un diwrnod (saith awr) yng nghanol y cwrs
- Un diwrnod (saith awr) tua diwedd y cwrs a fydd yn cynnwys ymweliad â chyfleuster rheoli dŵr gwastraff
- Bydd dwy sesiwn tiwtorial dwy awr ar gael ar-lein
- Bydd 15 awr olaf y cwrs yn waith ar-lein y bydd myfyrwyr yn gwneud eu ffordd trwyddo rhwng oriau cyswllt.
Bydd disgwyl i chi astudio yn eich amser eich hun er mwyn cwblhau’r cymhwyster hwn.
Mae’r microgymhwyster hwn yn gymhwyster annibynnol i weithwyr proffesiynol o fewn y diwydiant neu sy’n anelu at weithio yn y diwydiant. Mae microgymwysterau eraill ar gael y gallwch wneud cais amdanynt yng Ngholeg Gŵyr Abertawe a Phrifysgol Abertawe.
Asesir y cymhwyster trwy’r ddau asesiad canlynol:
- Prosiect traethawd grŵp
- Asesiad llyfr agored.